Вчерашната седницата на албанското Собрание траеше само 15 минути, поради протестите и викањето на опозициските демократи, кои насилно влегоа во салата, пишува Albanian Daily News.
Премиерот Еди Рама, кој беше присутен на седницата, не можеше да зборува, а демократите се обидоа да дојдат до него, но беа спречени од обезбедувањето.
Претседателката на Собранието Линдита Никола ја обвини опозицијата дека гледа само на сопствените, а не на народот.
Албанскиот парламент пред една недела исфрли неколку демократски пратеници, но дел од нив успеаја да влезат во собранието.
Демонстрантите се собраа и пред зградата на парламентот и се судрија со полицијата.
Инцидентите во Парламентот на Албанија веќе извесно време се повторуваат, а за време на нив пратениците од опозицијата палеле факели и фрлале столчиња.
