Парижаните гласаа за тројно зголемување на таксите за паркирање на спортските возила (SUV) бидејќи градот има за цел да се справи со загадувањето на воздухот и климатските промени со таргетирање на богатите возачи во тешки, големи и загадувачки автомобили.
На референдумот во неделата, внимателно следен од другите главни градови, вклучително и Лондон, 54,6 отсто гласаа за специјалните трошоци за паркирање за теренци.
Новите тарифи за паркирање би можеле да стапат на сила на почетокот на септември. Цената на паркирањето на улица за теренци или автомобили 4×4 ќе се зголеми на 18 евра на час во центарот на Париз и 12 евра на час во остатокот од градот.
Цените ќе важат за возила со тежина поголема од 1,6 тони со мотор со внатрешно согорување или хибридни возила и електрични возила со тежина над 2 тона. Овој потег нема да важи за паркирање на жителите на Париз, додава британскиот весник Гардијан.
Тони Ренучи, директор на кампањата за квалитет на воздухот „Respire“, рече: „Резултатот од гласањето е победа за квалитетот на животот на жителите на Париз“. Тој додаде дека Париз испраќа порака дека „присуството на овие чудовишта на тркала повеќе не е пожелно на нашите улици“.
Емануел Грегоар, заменик-градоначалник на Париз, објави на X: „Потешки, поопасни, позагадувачи… SUV-овите се еколошка катастрофа“.
Минатата година, Париз одржа слично гласање за тоа дали да ги забрани изнајмените електрични скутери, со што стана првата европска престолнина што го стори тоа. Одѕивот за тоа гласање – 103.000 луѓе, околу 7% од регистрираните гласачи – беше поголем отколку за гласањето за SUV.
Париз со години го зголемува притисокот врз возачите со зголемување на трошоците за паркирање и постепено забранување на дизел возилата, истовремено проширување на мрежата на велосипедски патеки во преполниот главен град.
Градот го намали бројот на паркинг места на улиците за возачите да можат да користат подземен паркинг, а зголемена е употребата на велосипеди за 71 отсто во периодот од крајот на пандемијата „Ковид-19“ до 2023 година. соопшти градскиот совет.
