Поранешниот бразилски лизгач Габриел Онмахт (23) е пронајден мртов во својот дом во Шафхаузен, Швајцарија.
Несреќниот млад човек бил пронајден мртов на креветот со слушалки во ушите од неговата мајка.„Го најдовме мртов во неговиот стан, на каучот. Наодите од судска медицина не укажуваат на кражба или нешто слично. Лежеше со слушалки, па мислев дека не ме слушна кога стигнав. Дојдов поблиску и сфатив… Мислиме дека беше срцев удар“, открила неутешната мајка Фатима за Глобо Еспорте.
Габриел беше еден од пионерите на брзо лизгање во Бразил, а во 2015 и 2017 година се натпреваруваше на меѓународно ниво.
„Почна да лизга за Бразил. Со голема гордост ја претставуваше својата земја. Престана да ја претставува Германија, бидејќи неговото срце секогаш чукаше за Бразил. Лизгањето беше негова страст“, откри мајката на починатиот спортист.
Таткото на Габриел е Германец, а мајка му Бразилка, па на 15-годишна возраст избра да го претставува Бразил во лизгање. Така стана еден од првите брзи лизгачи во оваа земја.
Спортовите на мраз не се популарни во Бразил и Габриел значително придонесе за развојот на лизгањето и влезот на Бразил во Меѓународната унија за лизгање.
Иако не учествуваше на Зимските олимписки игри, имаше доста забележителни резултати на натпреварите во Германија и Швајцарија.
