Тајванската армија ги завршува дводневните воени вежби на море и во воздух, за време на кои вежбаа одбрана од можна кинеска инвазија.
Воениот портпарол, генералот Сун Ли-Фанг, им изјави на новинарите во поморската база Цуоинг во јужен Тајван дека „секое еднострано и ирационално дејство може многу лесно да ги ескалира тензиите и да го дестабилизира тајванскиот теснец“.
Вежбите се одржуваат три недели откако Лаи Чинг-те беше избран за нов претседател. Тој е од Демократската напредна партија што се залага за независност, на која и се спротивставува Кина.
Кина тврди дека Тајван е составен дел од нејзината територија и мора да биде вратен под контрола на Пекинг, а овој долгогодишен спор е една од клучните пречки во односите меѓу САД и Кина.
Како што односите меѓу Кина и Тајван се влошија во последниве години, се зголемија стравувањата дека Америка може да биде вовлечена во војна доколку избие отворен конфликт.
Тајван купи високотехнолошки оружја од САД, ја зајакна домашната индустрија за оружје и ја продолжи должината на задолжителната воена служба од четири месеци на една година.
