Откако по 40 години брак се разведе од сопругот, српскиот актер Лазар Ристовски, Даница, која исто така е актерка, одлучи да направи мали, но значајни промени во животот.
Актерката стана активен член на социјалните мрежи, а неодамна беше фотографирана во друштво на помладата колешка Тијана Милованов.
Самата Тијана објави фотографија со Даница на Инстаграм, а тука прво имавме можност да ја видиме поранешната сопруга на Ристовски во сосема поинакво издание.
Како што можете да видите, Даница косата ја обоила во црвено, почнала да се шминка поизразено, а го променила и стајлингот.
Да потсетиме, актерската двојка се разведе во февруари 2022 година, а веста за крахот на нивната љубов шокираше многумина.
– Не се разделивме поради некоја друга жена или некој друг маж – изјави Лазар во ексклузивната исповед.
Следеше ново изненадување во октомври 2023 година, кога актерот повеќе не ја криеше врската со колешката Аница Лазиќ, која е 39 години помлада од него.
– Точно е, заедно сме. Не би додал ништо повеќе. Аница ја запознав многу подоцна и нема врска со разводот. Благодарам – изјави Ристовски тогаш за „Блиц“.
