Престојот во болницата на кралот Чарлс е продолжен и тој се уште се опоравува од операцијата за зголемена простата во приватна клиника во Лондон, каде што на само неколку соби се наоѓа и неговата снаа Кејт Мидлтон.
Поради тоа што не излезе по двете ноќи што требаше да ги помине под лекарски надзор, како што беше планирано, јавноста е загрижена за здравствената состојба на 75-годишниот британски крал Чарлс Трети.
„Се разбира дека Чарлс ќе остане во болница повеќе од две ноќи само ако има неочекуван проблем“, открил добро информиран извор за британски „Сан“, додавајќи дека дополнителната ноќ во клиниката е всушност едноставна мерка на претпазливост. но дека тоа може да предизвика непријатност.и нервоза кај обожавателите на кралското семејство.
Веста дојде откако палатата потврди дека кралот може да отсуствува од јавни настапи и однапред закажани настани до еден месец. На негово место, целата работа ќе ја завршат неговите најдоверливи лица – сопругата и кралицата Камила, сестрата и принцезата Ана, и братот и снаата, принцот Едвард и војвотката Софи.
Кралицата Камила го посетила својот сопруг во болница три пати за 24 часа, останувајќи подолго од очекуваното, а последен пат била видена во неделата навечер додека седи насмеана во задниот дел на официјалното црно Ауди.
