Српската фолк пејачка Светлана Цеца Ражнатовиќ реши да ја смени фризурата и ги одушеви своите обожаватели.
Фолк пејачката и членка на жирито на музичкото натпреварување „Ѕвездите на Гранд“, Светлана Цеца Ражнатовиќ пред претстојните празници одлучи да ја смени бојата но и обликот на косата, а во новата година да влезе со нова фризура.
Цеца на едно од снимањата ја покажа новата фризура, а од приложеното гледаме дека бојата на косата ја променила во посветли тонови, како и дека направила шишки. Коментарите за новиот изглед само се редат.
Светлана пред неколку дена за „Телеграф“ откри кои се нејзините новогодишни желби:
– Моите желби се Анастасија и Немања да добијат бебе, да го завршат албумот, да направам концерт на Ушќе. Би сакала да вклопам десетдневен одмор во мојот живот, но очигледно ќе завршам во бања на рехабилитација, кај пензионери – низ смеа изјавила Ражнатовиќ.
