Старица била убиена од лифт во старачки дом во Осиек. Наводно се работи за товарен лифт, а во тек е истрагата на хрватските служби кои ги испитуваат причините за трагичниот настан кој ја потресе јавноста.
Сцената, како што пишува Вечерњи, била застрашувачка, а не ја паметат и најискусните форензичари. Несреќната старица била речиси обезглавена, а за да го извлечат телото, пожарникарите морале да го исечат – подот.
„Во трагичен настан што се случи во понеделникот во дом за стари лица во Осиек, загина постара жена, корисник на домот. Се спроведуваат натамошни истраги, а во овој момент е тешко да се каже дали постои основано сомнение за сторено кривично дело, додека во соработка со Државниот инспекторат не се утврди дали лифтот ја поседува сета потребна документација и додека не се извршат потребните вештачења – соопшти Општинското државно правобранителство во Осиек, пренесуваат хрватските медиуми.
Наредена е обдукција на телото на жената која починала за да се утврдат точните причини за смртта, забележуваат од Општинското државно правобранителство Осиек.
