Американската национална управа за океани и атмосфера (NOAA) објави дека во текот на денот планетата Земја би можела да биде погодена од геомагнетна бура со голема јачина, која е резултат на ерупција на огромно количество соларен материјал на површината на Сонцето, пренесува CNBC.
На овие проценки се приклучи и американската вселенска агенција (НАСА), која наведува дека сончевата бура наречена „Канибал“ е многу моќна и може да предизвика прекин на радио комуникациите како и невообичаени појави на поларна светлина на земјата.
Експертите на НАСА тврдат дека овој феномен на енергетско зрачење поради експлозија на Сонцето ќе трае околу 15 часа.
