Телата на повеќе од 1.500 руски војници се наоѓаат во мртовечница во украинскиот град Днипро во југоисточна Украина, соопштија украинските власти.
Телата се во четири фрижидери, изјави заменик градоначалникот на тој индустриски град Михајло Лисенко.
Тој ги повика мајките на руските војници да дојдат и да ги земат нивните мртви синови. „Не сакам да ги закопувам во масовни гробници. Не сакам да ги кремирам“, рече Лисенко. „Ние не сме ѕверови.
„Сега има повеќе од 1.500 загинати руски војници во мртовечницата во Днепар, кои никој не сака да ги одземе, тие лежат во фрижидери.
Се надеваме дека некои од руските мајки ќе можат да дојдат по своите синови кои ги воспитувале цел живот. Веќе имаме четири фрижидери полни со тела на руски војници. На крајот на краиштата, ова се нечии деца.
Ги воспитуваа нивните мајки, ги сакаа, ги носеа на училиште. Сето тоа ќе го организираме, само за да ги преземеме телата на нивните синови“, изјави тој, пишува Правда.Според украинската армија, од почетокот на руската инвазија, која започна пред седум недели, се убиени околу 20.000 руски војници.Од друга страна, Москва наведува значително помали загуби, па неодамна објави дека загинале 1351 војник од редовите на руската армија.
