Ослободете се од настинката со овој напиток направен од само две состојки кои веројатно веќе ги имате дома.
Корисните ефекти на медот се добро познати на сите, а циметот се смета за еден од најздравите зачини. Кога ќе ги комбинирате, добивате здрав напиток кој навистина ќе ви помогне во сезоната на вируси.
Се верува дека овој природен напиток помага за зајакнување на имунитетот, при хронична кашлица, замор, но и ги чисти синусите. Познато е дека медот е активатор на имунолошкиот систем, дека има антианемични и антисклеротични својства. Благодарение на својот хемиски состав, влијае на формирањето на крвните елементи на црвените и белите крвни зрнца.
Од друга страна, циметот е богат со антиоксиданси и други корисни соединенија, а истражувањата покажуваат дека може да помогне во контролата на шеќерот во крвта, да штити од срцеви заболувања и да го намали воспалението.
Еве како да подготвите пијалок од мед и цимет:
Во 1 dl млака вода измешајте една лажица мед и две лажички цимет во прав. Мешајте додека не се раствори медот. Иако, со овој пијалок, ако сакате, можете да измешате само мед и цимет, без вода.
Напитокот пијте го два пати на ден, по можност три дена по ред.
