Повеќе од 8.000 евакуирани од Појасот Газа пристигнаа во Египет преку преминот Рафах, меѓу кои 6.713 странци и лица со двојно државјанство, соопшти египетската Државна информативна служба.
Во соопштението се наведува дека од Појасот Газа во Египет пристигнале 929 египетски државјани.
Според Службата, болниците во Египет примиле 236 пациенти и 197 лица кои се придружници од Појасот Газа.
Преминот Рафа е единствениот пат за излез на цивилите од Појасот Газа и главната артерија за хуманитарна помош за влез во енклавата.
На 7 октомври, палестинската група Хамас изврши ненадеен ракетен напад врз Израел од Појасот Газа, како и упад на израелска територија кога голем број луѓе беа убиени и киднапирани.
Израел одговори со воздушни напади, целосна блокада на Појасот Газа и копнена операција.
Од 7 октомври досега во Појасот Газа загинаа повеќе од 13.000 луѓе.
