Никола Јокиќ е се освен обичен кошаркар. А неговиот пристап кон медиумите од година во година се менува, овој пат реши да предвиди се што ќе биде побарано.
Српскиот центар му донесе победа на Денвер над Њу Орлеанс Пеликанс со 134:116 и забележа уште еден трипл-дабл, 108-ми во кариерата, надминувајќи ги Џејсон Кид и Леброн Џејмс.
Сепак, конференцијата по неговите 35 поени, 14 скока и 12 асистенции започна невообичаено. Такво нешто е невидено во НБА.
„Всушност, знам што ќе прашате, па веднаш ќе зборувам. Дали сте спремни луѓе? Да, Џулијан…“, започна Јокиќ и ги остави сите со вилиците на подот.
Во тој момент уживаше и познатиот новинар Вик Ломбарди, кој објасни за што се работи, а потоа заклучи „фантастично е“.
Сето ова убеди многумина дека Јокиќ ќе биде фантастичен тренер доколку реши да продолжи со таа кариера.
Тој ги очекуваше повеќето, ако не и сите прашања, па зборуваше за Џулијан Стротер (дебитант кој постигна 21 поен) и Колин Гилеспи, кој постигна шест поени за 17 минути за да му помогне на Денвер да мине неколку тешки моменти.
