Полициски службеници од СВР Велес и од погранична полиција од ПС Михајлово вчеравечер во 20.30 часот на ул. 8. Септември во Велес ги уапсиле А.И.(18) од село Стар Караорман, штипско и Т.Ј.(18) од Штип затоа што во товарното возило „форд“ со скопски регистарски ознаки, кое го управувал А.И., а сопатник бил Т.Ј., биле пронајдени 23 лица мигранти од Сирија, од кои 10 малолетници, соопшти денеска МВР за вчерашната потера низ Велес.
Околу 20.05 часот на автопатот А1, полициски службеници од Полициската станица за граничен надзор Михајлово му дале знак за запирање на возилото „форд“, но А.И. продолжил со движење и со возилото влегол во Велес. На улицата 8. Септември излетал од патот и со возилото паднал во ископ. Притоа, со повреди се здобил еден малолетник, констатирани во болницата во Велес. При приведувањето А.И. физички нападнал полициски службеник, соопшти МВР.
КОМБЕТО УПАДНАЛО ВО КАНАЛ, ВО НЕГО ИМАЛО 23 МИГРАНТИ
