Најголемата победа во кариерата досега ја забележа Хамзат Чимаев на настанот УФЦ 294 во Абу Даби. Непоразениот Чеченец ја задржа серијата без пораз и по борбата против Камару Усман, поранешниот шампион на УФЦ во полусредна категорија, а во салата на настанот свое место најде и Златан Ибрахимовиќ.
Ибрахимовиќ уживаше во победата на својот голем пријател Хамзат Чимаев, а во салата му се придружи и познатиот навивач на Манчестер Сити Фаз Хусеин.
Хусеин стана познат на социјалните мрежи по видеата на познати луѓе кои велат „Алхамдулила“.
Така беше и со Златан, кој ја стави раката на срцето и рече „Фала му на Бога“ на арапски, а овој потег на пензионираниот фудбалер ги воодушеви муслиманите ширум светот.
