Силна експлозија ја потресе област на Оксфорд во Велика Британија, а на социјалните мрежи се појави видео на кое се гледа како целото небо е осветлено само неколку моменти по експлозија.
Експлозијата ги вознемири граѓаните на Оксфорд.
– Не знам што беше, но беше огромно нешто. На тоа место одеа многу противпожарни возила и полициски автомобили- изјави граѓанин.
Британската полиција соопшти дека верува оти пожар што изби во складиште за гас во близина на Оксфорд бил предизвикан од удар на гром. Службите за итна помош се на терен, а нема извештаи за повредени, информираат од полицијата.
„Се верува дека гром удрил во складиште за гас за време на вечерашното невреме, предизвикувајќи голем пожар“, се вели во соопштението на полицијата објавено на „X“.
Од полицијата додаваат дека нема извештаи за повредени, а итната помош е на местото на пожарот.
