Верниците од Нови Сад, меѓу кои и две малолетни деца, се уште се во манастирот Бањска, каде во неделата имаше судири меѓу маскираните напаѓачи и косовската полиција.
Од Бачката епархија соопштија дека верниците чекаат косовската полиција да ги легитимира и потоа да ги пушти да се вратат во Нови Сад.
Засега не се знае кога тоа би можело да биде, а од Епархијата велат дека очекувале тоа да се случи вчера.
Македонските државјани кои беа сместени во хотел во селото Бањска на северот на Косово, утрово во придружба на косовската полиција безбедно си заминаа дома, соопшти министерот за надворешни работи на Северна Македонија, Бујар Османи.
Тој објасни дека граѓаните на Северна Македонија си отишле дома „по вообичаениот (полициски) разговор и анализа на полицијата“.
„Околностите во кои беа пронајдени беа сложени со оглед на тоа што тие беа сместени во хотел во непосредна близина на местото каде што (вчера) се случи вооружениот напад врз полицијата“, истакна Османи.
Дописникот N1 јави дека сообраќајот во и надвор од селото Бањска се уште е блокиран. Во селото има форензичари кои вршат увид, по што треба да се отворат приодите кон селото.
Рашко-призренската епархија во неделата соопшти дека група маскирани лица со оклопно возило влегле во дворот на манастирот.
Монасите и верниците кои дојдоа на гости се затворија во конакот на манастирот, а заклучен е и храмот, соопшти Епархијата.
