Руски државјанин е прогласен за виновен за велепредавство за шверц на ракетна технологија во САД, објавија во петокот руските државни медиумски агенции, пренесува Њузвик.
Сергеј Кабанов беше осуден на 12 ипол години затвор откако истрагата покажа дека тој испраќал производи што се користат во ракетната технологија на Вооружените сили на Русија за интересите на американската компанија Виктори Сервис за набавки во Хантсвил, Алабама.
„Компанијата била контролирана од страна на американското Министерство за одбрана“, соопшти новинската агенција Интерфакс, цитирана од прес-службата на руската Федерална служба за безбедност (ФСБ).
Кабанов дејствувал по инструкции на американските разузнавачки служби и организирал „шверцерски канал за снабдување на руски воени производи во САД“, се вели во соопштението.
