Според новиот извештај, научниците откриле уште еден симптом на долгорочен ковид.
„Акроцијаноза“, состојба каде што кожата посинува поради собирање на венска крв во нозете, може да биде уште еден симптом на долготрајна КОВИД, се вели во извештајот објавен во списанието „Лансет“.
Во извештајот е опишан случајот на 33-годишен маж кој откако стоел 10 минути видел дека му помодриле нозете, а имал и чувство на тежина и чешање. Бојата на кожата се врати во нормала по само две минути лежење, пишува CIDRAP.
До тој момент, човекот никогаш претходно немал сини нозе, додека не му била дијагностицирана долготрајна Ковид, а подоцна и синдром на постурална ортостатска тахикардија (POTS), нарушување што предизвикува неправилно зголемување на отчукувањата на срцето при стоење. Додека лежел, пулсот му бил 68 отчукувања во минута, но по осум минути стоење, пулсот му се искачил на максимални 127 отчукувања во минута.
Авторите на извештајот забележуваат дека случаите на акроцијаноза кај децата се регистрирани по пост-вирусни заболувања, но ретки случаи досега се поврзуваат со долгорочен ковид.
„Луѓето кои го доживуваат овој симптом можеби не се свесни дека може да биде поврзан со долготрајна ковид и дисавтономија, што може да предизвика загриженост. Слично на тоа, лекарите можеби не се свесни за врската помеѓу акроцијанозата и долгорочниот ковид“, истакна водечкиот автор на извештајот, М.Д. Маној Сиван, во соопштение за медиумите од Универзитетот во Лидс.
