Голема поморска парада, вклучувајќи најсовремени борбени бродови, вооружени чамци и подморници, денеска се одржува на реката Нева во Санкт Петербург по повод одбележувањето на Денот на морнарицата на Русија.
Рускиот претседател Владимир Путин одржа говор во кој на морнарицата и вети 30 нови бродови оваа година.
– Русија денес самоуверено ги спроведува сеопфатните задачи на нашата национална поморска политика и постојано ја зајакнува силата на нашата морнарица, рече Путин и додаде дека само оваа година во флотата се ќе се додадат 30 бродови од различни класи.
Тој не ја коментираше конкретно војната во Украина, која Русија ја нарекува своја „специјална воена операција“ во Украина.
Путин, придружуван од министерот за одбрана Сергеј Шојгу и началникот на руската морнарица Николај Евменов, прегледа некои од бродовите од чамец за лансирање на реката Нева пред да го одржи својот говор.
Четириесет и пет бродови, подморници и други пловни објекти учествуваа на годишната прослава на Денот на морнарицата. Во парадата на копно учествуваа и околу 3.000 припадници на морнарички персонал, соопшти Кремљ.
