Во болницата во Косовска Митровица за РТС е потврдено дека во конфликтот меѓу специјалните сили на косовската полиција и насобраните граѓани се повредени десет лица.
Во овој момент ситуацијата е малку смирена, но е многу тензична, јави дописникот на РТС.
Заменик директорот на Клиничко-болничкиот центар во Северна Митровица, Даница Радомировиќ денеска изјави дека никој од повредените не е задржан во болница. Десетина лица се лекувани во приемната хирургија, ортопедија и очното одделение со полесни физички повреди од шок бомби и солзавец, како и видливи повреди на лицето“, рече Радомировиќ.
Александар Арсенијевиќ од Граѓанската иницијатива „Српски опстанок“ изјави дека косовската полиција прво ги нападнала жените, а потоа него и дека директно му испрскале солзавец во очите. Бев дезориентиран, ме одвлекоа меѓу два автомобили, почнаа да ме тепаат“, изјави Арсенијевиќ.
Посочува дека во еден момент полицаец рекол на албански дека не ги тепаат тие со камери.
Тој опиша еден од полицајците кои го претепале, кој бил специфичен за него, наведувајќи дека неговите тврдења може да ги потврдат и камерите од зградата на Општината.
Во сите општини нешто пред пладне се слушаат сирените за опасност. Ги повика граѓаните да се соберат пред општинските згради за да го спречат градоначалникот да влезе во зградите. Присутни се полициски сили со полициски џипови, цивилни возила и редовна полиција. Исто така, пред сите општински згради има возила на Еулекс, а на места е видлив и Кфор.
Во Звечан дошло до пресметка со полицијата. На социјалните мрежи е објавено видео од демолирано возило на косовската полиција во Звечан.
КоССев јавува дека во Зубин Поток специјалните единици влегле во зградата на Привремената управа на оваа општина.
Истовремено, косовските медиуми со фотографија јавуваат дека градоначалникот Измир Зеќири во придружба на специјални полициски сили влегол во зградата на Привремената управа.
Граѓани направија блокада во Лепосавиќ.
