„Многу нè има!“
Ова е пораката со која македонското здружението Мир, слога, стабилност води граѓани од Македонија на големиот митинг на српскиот претседател Александар Вучиќ во Белград, што ќе се одржи вечерва (петок, 26 мај).
„Претседателот Александар Вучиќ ја има поддршка на Србите од Македонија и на Македонците со српско потекло! Во огромен број се упативме кон Белград за да ја поддржиме политиката на мир, слога и стабилност!“, се вели во објавата на здружението кое го организираше превозот.
