Го следиме триесеттиот ден од војната во Украина. Американскиот претседател, кој брза во четиридневна посета на Европа, денеска ќе посети полски град на помалку од 80 километри од границата со Украина. Според пишувањата на странските медиуми, Бајден ќе ги посети бегалците, американските војници стационирани таму, а ќе се сретне и со полските политички лидери. Во медиумите и на социјалните мрежи се појавуваат многу различни информации, чија точност е невозможно да се провери.
Во живо ги следиме настаните.
9.05 Украинска армија: Русија лансираше 1.200 проектили
Русија лансираше 1.200 крстосувачки ракети од инвазијата, но 59 отсто не експлодираа, не беа соборени или промашија цел, соопшти украинската војска, пренесе Ал Џезира.
8,40 Повеќе од 130 деца загинаа досега
Украинското обвинителство соопшти дека 135 деца се убиени, а 184 се повредени од почетокот на руската инвазија, јави Би-Би-Си.
