Според информациите со кои располага Здружението на живина на ФБиХ, во Босна и Херцеговина вчера влегле осум контејнери со замрзнато пилешко филе од Турција, соопшти здружението. Во наредните денови се очекува зголемена продажба на свежо месо поради празниците.
„Поттикнати од досегашните практики, оправдано сме загрижени што споменатата количина замрзнато месо поминала низ процес на одмрзнување, а потоа била пронајдена на продажните места каде се продава како „свежо месо“. Покрај нелојалната конкуренција, која е удар за домашното производство, пред се, незаконските активности се опасни по здравјето на луѓето.
Ги повикуваме надлежните инспекции и институции да ги зајакнат контролите и да го заштитат здравјето на граѓаните на БиХ, но и на нас вистинските производители кои исчезнуваат поради ваквите практики.
Исто така, ја покануваме целата јавност, во пресрет на Денот на трудот и зголемувањето на потрошувачката на месо, да се грижи при изборот на производител. При изборот на производител, едуцирајте се дали производителот поседува фарма за одгледување, кланица итн. Доколку одговорот е „не“, веројатно пред вас имате месо од Турција, кое не е свежо“, наведуваат во соопштението.
