Директните предци на британскиот крал Чарлс III и кралското семејство купувале и експлоатирале поробени луѓе на плантажите за тутун во Вирџинија, пишува лондонскиот весник „Гардијан“.
Најновите откритија и документи до кои дојде Дезире Баптист, британски писател и истражувач, откриваат дека директен предок на кралот бил вклучен во купувањето на најмалку 200 поробени луѓе од Кралската африканска компанија во 1686 година.
Еден документ му наложува на капетанот на бродот да ги достави поробените Африканци на Едвард Портеус, сопственик на тутунска плантажа во Вирџинија, и на двајца други мажи.
Синот на Портеус, Роберт го наследил имотот на неговиот татко пред да го пресели семејството во Англија во 1720 година.
Подоцна, директен потомок – Френсис Смит се оженил со аристократот Клод Буз-Лажон, а нивна внука била Елизабет Буз-Лајон, односно покојната кралица Мајка.
Баптиста ја истражувал врската помеѓу англиската црква и робовите во Вирџинија и во архивите открил директна линија на семејното стебло Виндзор до трговијата со поробени Африканци.
Кралската африканска компанија тргувала со речиси 180.000 поробени луѓе и добила кралски повелби од неколку англиски кралеви.
Тестаментот на Едвард Портеус, друг документ што го испитувала Баптистова, се однесува на „црнци“, кои тој ги оставил на својот син Роберт, додека на неговата сопруга Маргарет оставил „црнец Кумбо“.
Вирџинија има посебно значење во историјата на американското ропство поради неславното слетување на поробените Африканци во Џејмстаун во 1619 година.
Законите воспоставени за одржување на ропството и потиснување на востанија предвидуваа камшикување и отсекување на делови од телото за каква било непослушност на робовите, како што се лажење или обид за бегство.
Дезире Баптист напиша драма заснована на нејзиното историско истражување, во која главниот лик го повикува Чарлс да се извини за институционалната и семејната вмешаност на монархијата во трансатлантското ропство.
