Полицијата во Луисвил, Кентаки, објави видео од смртоносната престрелка меѓу полицијата и банкарот кој уби пет колеги кога дозна дека ќе биде обвинет.
Видеото покажува како двајца полицајци се застрелани додека се движеле кон напаѓачот за време на нападот во понеделникот.
Еден полицаец бил застрелан во главата, додека друг се здобил со гребнатинка пред да го убие осомничениот.
Заменик-началникот Пол Хемфри рече дека на видеата се гледа како полицајците херојски интервенираат за да спасат животи.
Четири лица, вклучително и полицаец кој беше застрелан во главата, остануваат во болница.
Полицијата соопшти дека 25-годишниот осомничен користел легално купена полуавтоматска пушка АР-15 за време на нападот, која ја пренесувал во живо.
Полицајците пристигнале три минути по првиот повик 911 во 08:38 часот по локално време.
Полицаецот Кори Галовеј и дебитантот Николас Вилт се упатиле кон зградата откако нивниот патролен автомобил бил под оган, се вели во видеото.
На снимката се гледа дека додека се качувале по скалите до влезот на зградата, испукани се повеќе куршуми. Полицаецот Вилт бил погоден, иако тоа не е видливо на видеото.
Куршум, исто така, го погодил полицаецот Галовеј во рамото, по што тој бил принуден да скокне до дното на скалите за да се засолни зад бетонска жардињера.
„Убиецот има агол на тој полицаец“, им кажува тој на другите полицајци додека пристигнуваат. „Мора да одиме таму горе, не знам каде е, стаклото го блокира“.
Вооружениот напаѓач бил во покачена положба во однос на полицајците и можел да гледа надвор низ стаклените прозорци на Старата народна банка во кои полицајците не можеле да гледаат.
Откако повторно пукал кон полицајците, полицаецот Галовеј успеал да го забележи осомничениот и пукал во него додека не се урнал во фоајето на зградата.
Заменик-началникот Хемфри вели дека акцијата на полицајците спасиле животи, и со тоа што го спречиле напаѓачот да убие повеќе вработени и со пружање прва помош на жртвите.
Полицаецот Вилт (26), кој положил свечена заклетва 10 дена претходно, беше однесен во болница со полициски автомобил. Тој и понатаму е во критична состојба.
Друг службеник ја возел брзата помош до болницата, така што болничарите останале во задниот дел од возилото со жртвата.
