Актерката Катерина Скорсон на светската публика и е најпозната по улогата на Амелија Шеферд во серијата „Вовед во анатомија“.
Таа на Инстаграм објави дека куќата и изгорела во пожар пред неколку месеци и ги открила деталите.
„Додека ги подготвував децата за спиење, забележав чад околу кадата. Кога погледнав низ ходникот, веќе се создаде река од густ црн чад и ја исполнуваше куќата. Имав две минути да ги извадам моите три деца од дома, едвај имавме чевли. Но, излеговме. И за тоа ќе бидам вечно благодарнa. Она што ми го скрши срцето е губењето на нашите четири миленичиња. Се уште не се помируваме со таа загуба, но среќни сме што имавме можност да ги сакаме“, напиша актерката.
„Она што го научивме е дека единствените работи што се важни се луѓето (и суштествата) што ги сакате“. Заедницата е она што е важно. Без него не би биле тука и за тоа сме благодарни. Ова не е најава за пожар. Ова е објава на заедницата. Љубовно писмо до сите луѓе кои беа тука за нас најдобро што можеа. Благодарност до пожарникарите и инспекторите, до соседот кој ми ја отвори вратата на избезуменото тропање. Им благодарам на родителите на децата од училиште кои праќаа играчки и книги, на моите пријатели од „Вовед во анатомија“ и „Шондаленд“ кои испраќаа облека и намирници и на сестра ми која дојде да се занимава со логистика за да можам да бидам со моите деца. Благодарност до мојот тим кој направи сè многу полесно. Со фотографии го славиме просторот што некогаш го нарекувавме дом, се збогуваме со животните кои толку многу не сакаа и го славиме единственото нешто што ни треба – едни на други“, заклучила Катерина со фотографија од опожарениот дом и спомени со милениците.
