Со новите електрифицирани модели на Opel GSe, никогаш не било полесно да се комбинира спортското возење со одговорноста за иднината. За Opel Astra GSe, Astra Sports Tourer GSe и Grandland GSe, д-р Christian Hartweg и неговиот тим инженери развија уникатно подесување на шасијата и на управувањето. Во новото видео, Hartweg објаснува како сегашното семејство GSe е инспирирано од своите спортски предци и го толкува тоа во модерни возила и технологии кои ги поставуваат трендовите кои овозможуваат особено динамично уживање при возење.
Инженерите од Rüsselsheim не работеа само на моделите GSe, сите други верзии на Opel Grandland SUV сега исто така имаат придобивки од дополнителните оптимизации на шасијата и управувањето – за карактеристично, директно и стабилно искуство при возење што е типично за Opel.
Прецизна, динамична, а сепак удобна: GSe шасија со FSD технологија
– Нашата цел беше сосема јасна. Моделите GSe мора да понудат оптимална рамнотежа помеѓу удобноста при возење и управувањето ориентирано кон перформансите, заедно со одговорноста за иднината – рече Hartweg.
Инженерскиот тим ја зеде добро избалансираната шасија на моделите Astra и Grandland и ги подигна на поспортско и подинамично ниво. Најважните предности во овој процес се електрифицираните plug-in хибридни погонски единици и шасијата, кои се целосно прилагодени на повисоките перформанси.
Во случајот на Grandland GSe, тоа значи моќност на системот од 300 КС (потрошувачка на гориво според WLTP: 1,2 l/100 km, емисија на CO2 28-27 g/km; комбинирано) и забрзување од нула до 100 km/h за само 6,1 секунда, заедно со дополнителната самодоверба што ја обезбедува електричниот погон на сите тркала. Во верзиите на моделот Astra GSe, електрифицираниот погон произведува системска моќност од 225 КС (потрошувачка на гориво според WLTP: 1,2-1,1 l/100 km, емисија на CO2 26-25 g/km) и огромен вртежен момент од 360 Nm.
Спортскиот карактер на моделите Opel GSe е очигледен од смелиот и елегантен надворешен дизајн.
– Astra GSe веднаш се препознава по специјално дизајнираниот преден дел и по спортскиот став, кој го спуштивме за 10 милиметри. И тие се многу забавни. Во свиоците, моделите GSe се држат до патот и остануваат стабилни и тие можат да се возат многу динамично, но и многу удобно – рече Hartweg.
Ова е овозможено со специјални пружини и амортизери со технологија KONI FSD (Frequency Selective Damping), кои се користат во шасијата GSe. Во зависност од ситуацијата, условите на површината на патот и стилот на возење, оваа технологија овозможува различни карактеристики на амортизација за удобно лизгање на високи фреквенции – односно со кратки удари како на калдрма или капак на шахта – како и за спортски, амбициозен стил на возење со повеќе директен контакт со патот на ниски фреквенции. Врвните модели реагираат уште понепосредно и директно на секоја команда од возачот и, како што е типично за Opel, остануваат стабилни при сопирање, свиоци и при големи брзини на автопатот.
– Амортизерите имаат дополнителен вентил и второ хидраулично коло. Автомобилот тогаш е поудобен или поспортски за возење, во зависност од тоа дали вентилот е отворен или затворен. GSe е кратенка за „Grand Sport electric“ – спортско однесување при возење со најновата plug-in хибридна технологија. Возењето никогаш не било толку паметно – објаснува инженерот.
Поспортски, подиректен, похармоничен: Нов сет-ап за сите верзии на Grandland
Понатамошниот развој на шасијата и управувањето не е ограничено само на моделите GSe. Сите верзии на Grandland имаат придобивки од оптимизациите со тоа што нивните амортизери и управувањето се повторно подесени. Инженерите ја зголемија силата на амортизација во опсегот на мали брзини и ја намалија во опсегот на средна до голема брзина со цел да обезбедат максимална удобност дури и кога се соочувате со нерамнини на патот. Благодарение на измените, Grandland вози балансирано, цврсто и удобно.
Управувачот е повторно калибриран. На овој начин, сите нови модели на Grandland ќе овозможат карактеристично спортско и удобно искуство при возење на Opel со директни, прецизни повратни информации до возачот.
Компанијата Еуроимпекс е основана 1990 година како мала трговска фирма за увоз-извоз. Започнува скромно и по осамостојувањето на Македонија, Еуроимпекс е првата приватна компанија чие работење е насочено кон трговија со автомобили и моторни возила од лесна категорија уште од далечната 1992 година, со првиот увоз на Peugeot автомобили.
Соработката со брендот Opel ја започнува кон крајот на 2020та година со што прераснува во Генерален увозник и дистрибутер на брендот OPEL за Македонија, Србија, Црна Гора, Косово и Албанија. Овој успех го круниса 30-годишниот јубилеј на Еуроимпекс кој беше одбележан истата година.
