Италијанската модна куќа Версаче подготви модна ревија за есен/зима 2023. Овој пат ревијата ја преселија од Милано во Лос Анџелес, на само три дена пред овогодинешните Оскари.
На ревијата присуствуваа некои од најголемите имиња од светот на музиката, филмот и модата. Меѓу познатите личности кои дојдоа на шоуто беа музичарите Дуа Липа, Шер, Елтон Џон и Лил Нас Икс, актерите Ен Хатавеј, Ке Хју Куан и Деми Мур и телевизиските личности Кристин Квин и Тан Франс. Прегледот првично требаше да се одржи денеска, 10 март, но поради временската прогноза која најавуваше обилни врнежи беше одложен.
