Во неодамна објавеното интервју за InStyle, американската актерка Џенифер Анистон ја откри тајната на нејзиниот одличен изглед.
Имено, оваа 54-годишна девојка истакнала дека никогаш не ја занемарува важноста на добар и квалитетен сон, кој во претходните години често го земала здраво за готово.
„Спиењето е одлично. Навистина е супер. Честопати се прашувам дали кога бев млада ја земав важноста на спиењето здраво за готово. Кога сте млади, мислите дека е сосема можно да преживеете со максимум пет часа сон и да се чувствувате добро. Подоцна сфаќаш дека навистина не е така и почнуваш да се чувствуваш се полошо и полошо, а трпи и твојата глума“, открила Анистон.
„Вашето тело врши многу работа во текот на денот. Со тек на време сфаќаш дека недостигот на сон води до разни здравствени проблеми“, изјавила ѕвездата од серијата „Пријатели“ и додала: „За жал, не можете да ги вратите изгубените часови на спиење, дури и ако спиете доволно на викендот. Тоа едноставно не функционира на тој начин“.
Актерката исто така нагласи дека строгата ноќна рутина и помага да се опушти по напорниот ден на сетот и да си легне без грижа на совест. Сепак, таа нагласува дека на квалитетот на сонот не влијае само нејзината ноќна рутина.
„Правам се што можам во текот на денот. Речиси секој ден од мојот живот започнува како што завршува, со медитација проследена со пиење многу вода и вежбање. Ако претходната ноќ спиев лошо, следниот ден првенствено се фокусирам на закрепнувањето. Тогаш не форсирам вежбање бидејќи, ако нашето тело и мозок не се целосно одморени, тоа може да доведе до повреди. Само се трудам да дадам се од себе и да сфатам што може да обезбеди добар сон“, додава Анистон, која исто така избегнува да користи мобилни телефони и да гледа телевизија пред да оди во кревет.
