Актерот Џони Деп (59) заработи пет милиони евра (4,5 милиони фунти) за само пет дена продавајќи ограничено издание на покојните ѕвезди Боб Марли, писателот Хантер С. Томпсон и актерите Хит Леџер и Ривер Феникс, пишува „Дејли мејл“.
Втората изложба од неговата колекција наречена „Пријатели и херои“ беше пуштена во продажба во Велика Британија во галеријата за ликовни уметности „Кастл“. Изложбата се одржа минатиот понеделник, а портпаролот на Деп рече дека сликите се распродадени за пет дена.
Деп ги опиша моделите на своите слики како легенди кои оставиле свој белег и покрај тоа што „немале доволно време на оваа земја“. Деп од својата уметност во последните седум месеци заработи девет милиони фунти.
– Со години навистина строго се држев до секојдневна работа во филмскиот бизнис иако секогаш имав потреба да избегам на празно парче хартија, без разлика дали тоа беше пишување, цртање или сликање на празно платно – рече Деп и додаде:
– Да се справам со нешто за првпат без никаква идеја за тоа што ќе започнам и што ќе биде е длабоко исполнување. Трогателно е да се видат луѓето кои гледаат работи што јас ги направив за првпат, реагираат толку позитивно.
ФОТО: Инстаграм
