Истражувањето спроведено од тимот на Jersey Island Holidays ни ги носи 15-те најевтини локации за патување како двојка.
Дали сте сакале да патувате, но не сакате да ја потрошите целата своја плата на само едно бегство во непознатото? Па, не грижете се, бидејќи пребарувањето на тимот на Jersey Island Holidays ги открива 15-те најевтини места за патување како пар, пренесува Metro.
На врвот на оваа листа е главниот град на Црна Гора – Подгорица. Имено, дводневен одмор за две лица во овој прекрасен град е 250 евра. Во оваа цена е вклучена просечната цена на авионски билети за две лица, две ноќевања, романтична вечера од три јадења и екскурзии. Исто така, такси за два дена ќе има околу пет евра, додека споменатата вечера за двајца е само 25 евра.
Скопје во Северна Македонија го зазеде второто место, со просечна цена од околу 300 евра. Таму вечера од три јадења е дури малку поевтина од Подгорица и изнесува 23 евра, но алкохолот е поскап и изнесува 15 евра. И Дебрецен и Сегед во Унгарија се исто така евтини за дводневно бегство, а двете патувања чинат околу 340 евра.
Топ 15 најевтини патувања во европските градови за парови:
– Подгорица, Црна Гора
– Скопје, Северна Македонија
– Дебрецен, Унгарија
– Сегед, Унгарија
– Варшава, Полска
– Софија, Бугарија
– Лублин, Полска
-Тузла, Босна и Херцеговина
– Белград, Србија
– Прага, Чешка
– Приштина, Косово
– Ниш, Србија
– Кишињев, Молдавија
-Бања Лука, Босна и Херцеговина
– Вилнус, Литванија
Истражувањето ги опфати и најскапите европски градови за романтично дводневно одморање и, искрено, не сме премногу изненадени. Најскап е Цуг во Швајцарија со просечна цена од 1150 евра. Највисоката цена е 355 евра за сместување, додека летовите чинат во просек 300 евра, а вечера од три јадења ќе ве чини 120 евра. На второ место е Цирих, исто така во Швајцарија, со просечна цена од 1.130 евра, пренесува Пословни дневник.
