Бразилскиот супермодел Адријана Лима стана глобален навивачки амбасадор на меѓународната фудбалска федерација ФИФА, соопшти оваа организација.
„Кога ќе ја запознаете Адријана, веднаш ја чувствувате нејзината топлина, добрина и колку е отворена и страсна за фудбалот. Таа живее и дише со нашата игра. Затоа може да биде одлична врска меѓу ФИФА и навивачите ширум светот“, изјави првиот човек на светскиот фудбал Џани Инфантино.
Лима ќе учествува на меѓународни настани посветени на фудбалските фанови. Првото од нив ќе биде врачувањето на наградата на навивачите според рангирањето на ФИФА, кое ќе се одржи вечерва во Париз.
Во 2021 година, фудбалските навивачи на репрезентациите на Данска и Финска беа прогласени за победници.
