Големата надеж на српскиот ракомет Стефан Додиќ до крајот на сезоната ќе го носи дресот на Вардар 1961, соопшти денеска македонскиот ракометен првак, потврдувајќи го ангажманот на 18-годишниот среден бек, кој по подолг престој во Металург доаѓа во редовите на „црвено-црните“ од прволигашот Охрид.
Додиќ, кој веќе има настапи за српската сениорска репрезентација, од поодамна има договорено трансфер во полскиот шампион Киелце по завршувањето на актуелната сезона.
Српскиот ракометар во Вардар треба да ја засили конкуренцијата на плејмејкерската позиција по повредата на стандардниот Анте Гаџа.
