Владимир Путин се обидува да ја подели Украина на два дела, како повоената поделба меѓу Северна и Јужна Кореја, изјави Кирило Буданов, началникот на украинското воено разузнавање. Во коментарите кои ја зголемуваат можноста за долг и горчлив замрзнат конфликт, Буданов, кој ја претскажа руската инвазија уште во ноември, предупреди на крвава герилска војна, пишува Гардијан.
Според Буданов, Путин го преиспитал својот план за целосна окупација откако не успеа брзо да го заземе главниот град на Украина, Киев и да ја собори владата на Володимир Зеленски.
– Тоа е обид да се создадат Северна и Јужна Кореја во Украина – рече тој за новата стратегија на Кремљ.
Официјални лица во Киев рекоа дека очекуваат војниците кои го напаѓаат главниот град и зафатениот град Харков да се преселат на исток во рок од две недели.
