Министерот за образование и наука Јетон Шаќири денеска им се обрати на синдикалците од СОНК со молба и апел да овозможат да се вратат ученциите на настава.
– Барањето на СОНК е легитимно и ќе има покачување на платите. Социјалниот дијалог со СОНК ќе продолжи. Но, приоритет за мене како министер се учениците и нивното враќање во училишните клупи, за да немаат повеќе дополнителни празнини кои тешко или никако нема да се надополнат. Најдобар интерес е учениците да се вратат во училниците – истакна министерот Шаќири.
Тој истакна дека денеска ќе испрати писмо до СОНК и ќе побара од синдикалците да дозволат да се вратат учениците на настава.
– Апелирам до СОНК да им овозможиме на учениците навремено да ја завршат учебната година. Тоа е наша законска, морална и етичка обврска. Наставниците се најважна алка во образовниот процес, но и учениците се важна оска на секоја образовна политика и затоа не смеат повеќе да губат од наставата – рече Шаќири.
