Хаотични сцени се случиле на летот за Бразил кога настанала тепачка меѓу поголема група жени.
На видеото објавено на Твитер, може да се види како жените се влечат за коса, викаат и се навредуваат додека екипажот во кабината се обидува да ги раздвои.
Според горенаведените информации, во тепачката учествувале 15 жени, пишува Daily Mail.
Наводно избувнал хаос меѓу двете семејства откако мајката ја прашала патничката дали може да ги смени седиштата со своето дете кое има тешкотии во развојот. Кога била одбиена, настанал хаос.
Кабинскиот екипаж на крајот успеал да ја преземе контролата врз ситуацијата, а авионот полетал со два часа задоцнување.
Гол ерлајнс објави дека инцидентот се случил во четвртокот пред да полета авионот од Салвадор за Сао Паоло.
Патничките кои учествувале во тепачката биле исфрлени од летот.
Ве предупредуваме дека видеото е вознемирувачко.
