Владите на Шведска и Финска одлучија да аплицираат за членство во НАТО кон средината на следниот месец, јавуваат шведските и финските медиуми. Финскиот весник „Илталехти“ пишува дека шведската влада изразила желба финската влада да аплицира заедно по 22 мај, пренесува Н1. Информацијата ја потврди и шведската влада за шведскиот таблоид „Експрес“.
Поддршката за владите на Шведска и Финска за влез на земјите во НАТО алијансата расте од почетокот на руската окупација на Украина на 24 февруари. Иако не се членки, двете земји соработуваат со Алијансата.
Хелсинки и Стокхолм, исто така, ја зајакнаа билатералната соработка на полето на одбраната во последните години.
