Еден од омилените начини за опуштање на многу луѓе е убавото, долго капење. Но, иако долгата топла бања може да биде одличен начин да се ослободите од стресот, тоа не е толку добро за околината или за вашата месечна сметка за вода.
Со оглед на поскапувањето на енергенсите и високата инфлација, пожелно е да се штеди онаму каде што е можно, а можно е да се заштеди и на сметките за комунални услуги.
Еден од поедноставните начини да заштедите пари е да се туширате наместо да се бањате и да го скратите времето на туширање. Тоа не значи дека бањите не доаѓаат предвид, особено што имаат бројни здравствени придобивки, од опуштање до ублажување на замор и лекување на хронична болка.
Сепак, почестото туширање наместо бањање ќе ви помогне да заштедите пари секој месец.
Просечната количина на вода што може да ја собере во када е околу 300 литри, но оваа бројка може да варира. За да ја наполните кадата до половина, веројатно ќе потрошите околу 150 литри.
Туш со обична глава за туширање и стандарден притисок на вода троши нешто помалку од 10 литри вода во минута. Во просек, луѓето поминуваат 10 минути под туш, така што просечниот туш користи нешто помалку од 100 литри вода.
Колку заштедувате со туширање?
Слично на различната потрошувачка на вода на секој поединец, заштедите ќе зависат од тоа колку време поминувате под туш или колку често се капете и колку наплатува водоводната компанија во вашиот град. CNET пишува дека водоводните компании ја мерат потрошувачката на вода во стотина кубни стапки, што е околу 2.830 литри вода.
Ако се туширате по 10 минути секој ден во текот на една година, би потрошиле околу 34.500 литри вода. Ако се капете во када полуполна со вода секој ден во текот на една година, би потрошиле околу 55.260 литри вода. Според пресметките на CNET за Северна Каролина, дневното туширање би чинело 64,54 долари годишно по лице, а дневното капење би чинело 195,68 долари годишно по лице, што е околу три пати поскапо.
Тешко е да се одреди точно колку би заштедиле годишно, но треба да се напомене дека туширањето е поеколошки и поекономично од капењето. Земајќи ги предвид просечното време и трошоците, би можеле да заштедите три пати повеќе на вашата годишна сметка за вода доколку секојдневно се туширате и се капете само повремено.
