НАТО се соочува со најголемиот предизвик од Втората светска војна со војната во Украина, изјави генералниот секретар на Алијансата Јенс Столтенберг.
Тој рече дека по пристигнувањето на работниот дел од самитот отворен синоќа во Мадрид, сојузниците ќе се сретнат „среде најсериозната безбедносна криза“, со која се соочиле досега.
„Ова ќе биде трансформативен самит“, рече Столтенберг.
Столтенберг рече дека Русија претставува „директна закана“ за земјите-членки на Алијансата, која ќе го зајакне нејзиното источно крило како одговор на руската инвазија на Украина, пренесува АФП.
„Јасно ќе кажеме“, за време на самитот на кој треба да се ревидира патоказот на Алијансата за прв пат од 2010 година, дека „Русија претставува директна закана за нашата безбедност“, рече Столтенберг.
Тој рече дека НАТО ќе договори мерки за одвраќање, за да може да распореди повеќе борбени формации и да добие повеќе опрема до следната година во Источна Европа.
