Водата стигнала до тротоарот и сообраќајот е сопрен во силно невреме кое го зафати Солун. Кога почнала бурата луѓето на улиците пробале да се засолнат под стреите и терасите. Следеле грмотевици и обилни дождови. Сопствениците на продавниците пробувале со метли да ја истуркаат водата. Невремето го зафати и Халкидики, силни врнежи има и во Пефкохори и на Вурвуру.
Грчката хидрометеоролошка служба издала итно известување за влошување на времето и обилни дождови и бури за денеска, пишува грчка Вориа.
