Руските медиуми утринава ја цитираа изјавата на претседателот на Србија, Александар Вучиќ, која ја даде синоќа за ТВ Пинк.
„Евентуалната битка кај Керсон ќе биде одлучувачка во конфликтот во Украина и споредлива со битката за Сталинград во Втората светска војна“, ги пренесува руските Тасс зборовите на Вучиќ.
Српскиот претседател рече дека се соочуваме со предизвици.
„Следната зима ќе биде уште потешка од оваа бидејќи ни претстои битка за Сталинград, решавачката битка на војната во Украина, битката за Керсон, каде што двете страни користат илјадници тенкови, авиони и артилерија. Западот верува дека на тој начин ќе може да ја уништи Русија, Русија верува дека ќе може да го одбрани она што го зеде на почетокот на војната и да ја доведе војната до крај. Ова секаде ќе создаде дополнителни проблеми“, изјави Вучиќ.
