Пејачката која блеска во третото тромесечје од бременоста и понатаму изгледа беспрекорно, а папараците ја снимија како купува бебешка облека, што многумина поттикна на шпекулации.
Музичарката Ријана изгледа сериозно се подготвува за доаѓањето на своето прво дете, а деновиве е фатена како купува детска облека во Лос Анџелес. Иако е позната како љубителка на луксузни брендови, Ријана за својот нов додаток купи неколку артикли од брендот „Tаргет“. Ријана и нејзиниот партнер, музичарот АСАП Роки наскоро ќе станат родители, а музичарот неодамна откри дека е во третиот триместар од бременоста. За потсетување, Ријана и АСАП Роки се во врска од 2020 година, а љубовта се случи по седум години силно пријателство.
Но, фановите беа особено возбудени од изборот на Ријана кој падна портокалово фустанче, а тоа даде навестување дека пејачката очекува девојче.
Иако веќе е во поодмината бременост, се чини дека Рири не е тешко да се среди дури и кога оди на шопинг. Имено, додека избирала облека за своето бебе, музичарката носела син дуксер со принт, мини здолниште со светки, кадифена чанта и виолетови сандали со високи потпетици.
Ријана неодамна откри повеќе за нејзината бременост и идното мајчинство, а рекла дека во моментов за неа сѐ е предизвик, од облекувањето до шминкањето.
„Лицето ми е тркалезно, а носот ми се прошири, па навистина ми е тешко да се шминкам. Сѐ е некако многу предизвикувачки, но јас сакам предизвици“, изјавила за „Ел“ пејачката која наскоро треба да се породи, а судејќи според нејзиниот шопинг, на свет треба да пристигне девојче.
ФОТО: Инстаграм
