Британскиот актер Џулијан Сендс исчезна минатиот петок додека планинареше на планината Балди во Калифорнија.
Сега полицијата потврди дека неговиот автомобил е пронајден, и тоа блиску до местото каде што било пријавено неговото исчезнување.
Британскиот актер последен пат е виден пред една недела во планинскиот венец Сан Габриел, кој се наоѓа северно од Лос Анџелес.
Пребарувањето на областа, како што пренесе локалната полиција, морало да се одложи, поради неповолните временски услови.
„Оттогаш нема нови информации или информации од сведоци за тоа каде тој се наоѓа, рекла за „Би-би-си“ Глорија Уерта од Канцеларијата на шерифот во Сан Бернардино.
Исто така, рекоа дека оваа планина е многу опасна и дека дури и искусни планинари доживуваат несреќи.
Да потсетиме, се претпоставува дека актерот по пријавеното исчезнување бил во движење уште цели 48 часа, бидејќи му се менувала локацијата на неговиот телефон.
