Продолжени руските напади врз украинските градови, тврдат само воени цели
Руските сили продолжија со нападите врз украинските градови, со интензивен артилериски оган врз Суми, на северот на земјата, употреба на касетни бомби во Миколаев и ракетен напад врз Одеса, на југ, соопштија властите во Киев.
Украина соопшти дека руските сили ги засилиле нападите врз цели далеку од линијата на фронтот, при што загинале голем број цивили.
Русија тврди дека отвора оган исклучиво врз воени цели, наведува Ројтерс.
Претседателот на Украина, Володимир Зеленски изјави дека Русија истрелала повеќе од 3.000 крстаречки ракети во текот на петте месеци од војната.
