Премиерот Димитар Ковачевски во дебатниот магазин „Click Plus“ на ТВ21 истакна дека не чека тешка година, односно најкризна после Втората Светска војна.
Тој додава дека има енергетска криза, војна, ковид-19, како и зголемување на цените.
– Не очекува исклучително тешка година, ова е година која е најкризна после Втората светска војна. Време е уште на инфлуенцата со ковид-19, период на енергетска криза којашто практично започна при крајот на минатата година, а доби на интензитет на почетокот на годината, и дополнително – војната во Украина, односно воената агресија на Русија врз Украина – вели Ковачевски.
Според него, тоа дополнително ги влошило условите на светскиот, економскиот и нашиот пазар со зголемување на цените.
Најавената блокада на Собранието од ВМРО-ДПМНЕ во услови на најголемата светска криза е грозоморно, истакна премиерот Димитар Ковачевски во емисијата „Клик плус“ на ТВ 21.
– Оној кој мисли само на својот личен рејтинг и кој мисли само кога ќе бидат наредните избори не е лидер. Лидери се оние луѓе кои носат одлуки и кои решаваат прашања што ги афектираат идните генерации и благосостојбата на граѓаните, како и справувањето со најголемите проблеми со кои тие се соочуваат – рече премиерот.
