Од појавата на Ковид-19, се соочивме со неколку варијанти на вирусот САРС-КоВ-2. Некои предизвикуваа благи симптоми, други потешки, но заедничко им беше тенденцијата за различен опсег на симптоми или различна хронологија на здравствените проблеми што ги предизвикаа.
Во раните фази на пандемијата, најчести симптоми беа треска, кашлица, губење на мирис и вкус и болка во градите, особено во алфа и делта варијанти. Омикрон, сепак, донел поблаг тек на болеста, кој најчесто е проследен со болки во грлото, течење на носот, главоболка и замор.
Според извештаите, главниот симптом на Ковид се чини дека повторно се променил и сега најчест симптом е мијалгија.
Мијалгијата или мускулната болка е предизвикана од ефектите на воспалителните молекули ослободени од имуните клетки како одговор на вирусот. Станува збор за симптом кој беше еден од најдоминантните симптоми во 2021 година, кога се појави омикрон.
Според јужноафриканската докторка Анџелик Котзи, која првпат ја откри омикронската варијанта, мијалгијата често поинтензивно ги погодува невакцинираните пациенти. Меѓутоа, и вакцинираните луѓе можат да го почувствуваат овој симптом, пишува Тајмс оф Индија.
Мијалгијата е осетливост што се чувствува во локалната област, но исто така може да биде поврзана со широко распространета болка. Се опишува како долготрајна или краткотрајна мускулна болка која се јавува при мирување и при движење.
Мијалгијата поврзана со КОВИД почесто ги погодува рамената или нозете и трае во просек два до три дена, но понекогаш трае подолго.
Други најчести симптоми
Некои од најчестите симптоми на ковид на кои треба да внимавате се:
– Болки во грлото, чувство на гребење во грлото
– Треска
– Течење на носот
– Главоболка
– Постојана кашлица
– Замор
