За тоа кој ќе го наследи накитот од колекцијата на неодамна починатата британска кралица Елизабета Втора наголемо се пишуваше и пред нејзината смрт. Станува збор за една од најимпресивните колекции во светот: сите предмети во неа се многу вредни, а некои се навистина посебни.
Според магазинот „Хелоу“, познато е кој ќе наследи или, поточно, кому ќе му биде дозволено да носи едно од најскапите парчиња од колекцијата на богатствата на кралицата – државната дијадема на Џорџ Шести, попозната како дијамантска дијадема. Ќе ја носи кралицата сопруга Камила. Еден ден, кога принцот Вилијам ќе стане крал, тоа ќе може да се види на главата на неговата сопруга Кејт.
Тиарата е направена за кралот Џорџ Шести од златарската куќа „Rundell & Bridge“ во 1820 година и чинела 8.216 фунти во тоа време. Тесна лента од сребро и злато е оградена со бисери, а на неа има четири малтешки крстови и украси кои симболично ги претставуваат Англија, Ирска и Шкотска – рози, детелина и чичак. Круната е оградена со 1.333 дијаманти од 320 карати. Во центарот на предниот крст има и редок бледо жолт дијамант. Дијадемата била наменета да се носи на специјална кадифена капа, а кралицата Елизабета Втора сакала да ја носи без овој додаток.
Денес нејзината вредност се проценува на близу 800.000 фунти и е една од круните од кралската колекција со најголема симболика. Исто така, таа е една од најпознатите, иако ретко е виден аво јавноста. Имено, може да се види на британските и на парите на државите на Комонвелтот, монетите и поштенските марки.
Во текот на своето 70-годишно владеење, кралицата Елизабета ја носела само неколкупати – на пример, кога првпат во своето владеење, во 1952 година, го отворила Парламентот. Круната е посебна затоа што ја носат исклучиво владетелите и сопругите кралици – Викторија, Александра, Марија и Елизабета Втора.
Иако не е украсен предмет наменет само за жени, оваа круна се смета за женствена, па речиси сигурно е дека кралот Чарлс Трети нема да ја стави на својата глава во некоја свечена пригода. Меѓутоа, Камила би можела за првпат да ја носи на крунисувањето на својот сопруг следната година.
