Една метро станица во Париз го носи името на покојната британска кралица Елизабета Втора, на денот на нејзиниот погреб.
Компанијата РАТП, која управува со метрото во Париз, објави дека станицата именувана по британскиот крал Џорџ V, дедото на кралицата Елизабета, на Елисејските полиња, е преименувана за еден ден во чест на кралицата.
Компанијата објави фотографија од привремен знак со името на кралицата и датумите на нејзиното раѓање и смрт.
За да се избегне забуна, вистинското име на станицата е задржано на секој друг знак.
Во републиканска Франција оваа одлука наиде на неодобрување кај некои, па некои коментатори на Интернет беа шокирани од таквиот чин и повикаа на крај на монархијата.
Британската кралица Елизабета Втора ќе биде погребана денеска во Лондон, што можете да го следите на нашиот блог во живо.
