Емоцијата не може да биде оправдување за кривично дело, а тоа можеби било поттикнато од некој центар, смета министерот за надворешни работи Бујари Османи за палањето на бугарскиот културен клуб „Ванчо Михајлов“ во Битола.
– Треба добро да се анализира дали тоа е акт на еден човек или бил поттикнат од некој центар, бидејќи мислам дека не бил случајно избрано тој ден. Не би се осмелил да направам лична проценка за извршителот. Не може кривично дело да биде оправдување за било која емоција“, рече Османи.
Осомничениот за палењето, пејачот Ламбе Алабаковски денеска беше префрлен во домашен притвор од каде што го чека обвинителниот акт. Вчера партијата „Левица“ одржа мирен протест во Битола барајќи слобода за Ламбе.
